“Бир макон, бир йўл” болалар расмлари танлови ғолиблари тақдирланди

Баҳорнинг биринчи кунларида Хитой халқ Республикасининг Ўзбекистондаги элчихонаси ва Ўзбекистон Журналистлари ижодий уюшмаси Фарғона вилоят бўлими ҳамкорликда икки мамлакат халқларининг тарихий ришталари, урф-одат, маданият ва санъати, иқтисоди ва савдо-сотиқ меъзонларини акс эттирувчи “Бир макон, бир йўл” шиори остидаги болалар расмлар танловини эълон қилган эди.

Унга мамлакатимизнинг деярли барча вилоятларидан 283 иштирокчи 336 та ўзи чизган расмлар билан қатнашди. 5-16 ёшли болалар чексиз қумлар оралаб кетаётган савдо карвонлари, бугунги Ўзбекистон ва Хитой кўринишлари, икки давлат раҳбарларининг учрашувлари каби мавзуларда тасаввурларини турфа хил рангларда жило бериб чизганлар.

Ниҳоят нуфузли ҳайъат танлов иштирокчиларидан 15 нафарини ғолиб деб топди. Бухоролик Адел ва Далер Ҳикматовлар, хоразмлик Зебохон Жуматурдиева ва Камола Омонбоева, Навоий вилоятидан Гуласал Муҳиддинова, Андижон вилоятидан Ойдиной Раҳимова, Қашқадарёдан Асила Абдурашидова, Фарғона вилоятидан Гўзал  Иброҳимова, Бибихоним Олимжонова каби ғолиблар чизган суратлар мазмунан ва ранг танлаш, тасвирлаш маҳорати каби меъзонларда бошқа иштирокчилар расмларидан устун эди.

Ғолибларни тақдирлаш бугунги шароитдан келиб чиқиб онлайн видеоконференция тарзида бўлиб ўтди. Унда 15 нафар ғолиблар, Хитойнинг Ўзбекистондаги фавқулотда ва мухтор элчиси Цзян Ян хоним ҳамда Ўзбекистон Журналистлари ижодий уюшмаси Фарғона вилоят бўлими раиси Муҳаммаджон Обидов иштирок этдилар.

–Танлов ғолиби бўлган болажонларни табриклар эканман, уларнинг маҳорати, юксак тасаввур олами кенг ва икки давлат халқларининг тарихий ҳамда замонавий муносабатлари ҳақида етарлича билимга эга эканлигини алоҳида таъкидламоқчиман, -деди элчи Цзян Ян хоним. – Ишончим комилки, менинг ёш рассом дўстларимда ҳали улар тасаввур қилиб чизган дунёдаги энг катта Таклимакон қум-барҳанлари, Пекин, Хотан, Сиан каби тарихий шаҳарларни ўз кўзлари билан кўриш имкони бўлади.

“Бир макон, бир йўл” танлови ғолибларига рассомларнинг расм чизиш ускунаси ва 24 хил бўёқлар жамламаси совға қилинди.

–Мазкур танловда ғолиблар бор, аммо мағлублар йўқ, — деди Ўзбекистон Журналистлар ижодий уюшмаси Фарғона вилоят бўлими раиси Муҳаммаджон Обидов. – Чунки мавзу юзасидан расм чизиш учун болалар ўқиб ўргандилар, ахборот изладилар, дунёқарашлари кенгайди, билимлари ошди. Бизнинг асосий мақсадимиз ҳам аслида шу эди.

Онлайн видеоконференция чоғи ғолиба, бухоролик Адел Ҳикматова сўз олиб, ташкилотчиларга миннатдорчилик билдирар экан, мен кўҳна Бухоро тарихи “Буюк ипак йўли” билан боғлангани, Чин деган мамлакат ҳунармандчилиги ва санъат асарлари шу йўл туфайли юртимизга келганини билиб олдим, деди.

Ўн ёшли Бибихоним Олимжонова икки халқ болалари қўл тутиб келажакка одимлаётганини тасвирлаган эди. Бу ёш рассом қиз элчи Цзян Ян хонимга миннатдорчилик билдирди.

–Мен шу танлов орқали ўзим каби ёш рассом дугона, дўстлар орттирдим, — деди у.

–Тақдирлаш тадбири менга бир умр унутилмас хотира қолдирди, -деди фарғоналик Гўзал Иброҳимова. –Бу биринчидан бугун Цзян Ян хонимдек Хитойнинг давлат арбоби билан мулоқот қилганим бўлса, иккинчидан, улар бизни ўзбек тилида табриклагани бўлди. Келгусида мендан рассом чиқадими, билмадим, аммо Цзян Ян хонимга ўхшаган илмли, барча миллат, халқларни ҳурмат қиладиган инсон бўлишга интиламан.

Тақдирлаш тадбирида элчи, ижодий уюшма раҳбари ва болалар ўртасида қадрдонлардек самимий мулоқот бўлди.

–Ижодкор болажонларимиздаги қизиқишни кўриб, шундай хулосага келдик, биз келгусида “Ўзбекистон – Хитой муносабатлари ҳақида нима биласиз?” деган мавзуда иншо танлови ўтказамиз, — деди элчи Цзян Ян хоним.

Шу куниёқ ғолибларга уларнинг совғалари юборилди, Фарғона водийсидан бўлганларига эса ижодий уюшма вилоят бўлимида топширилди.

Бошқа хабарлар | 其他新闻

Мен билмаган Хитой харитаси
Йўл очерки Хитой сафарининг илк кунида мени ҳаяжон босди. «Тошкент– Урумчи» йўналишидаги самолётга чиқарканман беихтиёр Ватан ҳақидаги тасаввурларим кенгайгандек бўлди. Азиз Ватаним харитасини буюк Хитой мамлакати ...
Видео: Фарғона қоятошларида тасвирланган «ғайритабий мавжудотлар»
Аждодларимиз отга минибдики, ғанимлари томонидан бир ҳақиқат боб-бот эсланади: “Туркийларни енгиш учун аввал уларни отдан туширмоқ керак!”.... Қадимги даврдан Римдан Хитойгача бўлган мамлакатларда Ўрта Осиёнинг ...
Темурийлар давлатидан Хитойга юборилган элчилар “минглаб офатлар дарёси”дан қандай ўтган?
1420 йил (бундан 600 йил олдин) – Темурийлар давлатидан Хитойга юборилган 530 кишилик жуда катта элчилар гуруҳи катталикда Амударёга тенг келадиган Қорамурон дарёсига етиб ...
Лойиҳа истиқболлари
Ўзбекистон Республикаси Президенти ҳузуридаги Стратегик ва минтақалараро тадқиқотлар институти ҳамда Давлат бошқаруви академияси томонидан Шанхай Ижтимоий фанлар академияси билан ҳамкорликда “Ўзбекистон – Хитой: “Бир ...
Шавкат Мирзиёев Хитой халқаро кўргазмасининг очилиш маросимида нутқ сўзлади (видео)
Ўзбекистон Республикаси Президенти Шавкат Мирзиёев Хитой Халқ Республикаси Раиси Си Цзиньпиннинг таклифига биноан 4 ноябрь куни Шанхай шаҳрида «CIIE-2020» Импорт маҳсулотлари учинчи Хитой халқаро ...
Янги лойиҳалар — истиқбол сари йўл
Хитойда бўлиб ўтган «Бир макон, бир йўл» Форумида Президентимиз бошчилигидаги делегациянинг иштирок этиши жараёнида мамлакатимиз тараққиёти учун муҳим учрашувлар бўлиб ўтди, муҳим ҳужжатлар имзоланди. Ана ...
«Бир макон, бир йўл» — халқаро ҳамкорликнинг янги модели
Тошкентда Ўзбекистон Республикаси Президенти ҳузуридаги Стратегик ва минтақалараро тадқиқотлар институти, Давлат бошқаруви академияси ҳамда Хитойнинг Шанхай ижтимоий фанлар академияси билан биргаликда “Ўзбекистон ва Хитой: ...
“Буюк ипак йўли карвонсаройлари” лойиҳаси ишга туширилди
Хитойда ўтаётган Евроосиё иқтисодий форуми доирасида Самарқанд шаҳри ҳокими ўринбосари Э.Ражапов, Бухоро шаҳри ҳокими ўринбосари К.Давронов, Хива шаҳар ҳокими ўринбосари Ҳ.Бобоев, “Ashina Group”компанияси директори ...
Ўзбекистон — Хитой: ҳамкорликнинг янги босқичи
Истиқлол йилларида Ўзбекистон халқаро майдонда тинчлик ва ҳамкорликка асосланган прогрессив ташқи сиёсат юритиб келмоқда. Қисқа давр ичида мамлакатимизнинг халқаро майдондаги нуфузини ошириш, уни халқаро ...
Ўзбекистон-Хитой: 10 та энг муҳим воқеа
Сайт ижодкорлари 2018 йилда содир бўлган ўзбек-хитой ҳамкорлигининг 10 та энг муҳим воқеаларини саралаб олди. Марҳамат улар билан танишинг: 1.Ўзбекистон Республикаси Президенти Хитой раҳбари билан ...
Халқаро ҳамкорликнинг юксак истиқболлари
Бугун мамлакатимиз жаҳон ҳамжамиятидан тобора мустаҳкам ўрин эгаллаб бормоқда. Ривожланган давлатлар билан йўлга қўйилаётган кенг кўламли ҳамкорлик алоқалари ютуқларимиз янада салмоқли бўлишида муҳим аҳамият ...
“Бир макон-бир йўл” менинг қалбимда”  расмлар кўрик-танлови ўтказилади
Хитойнинг Ўзбекистондаги элчихонаси ҳамда Ўзбекистон Журналистлари ижодий уюшмаси Фарғона вилояти бўлими ҳамкорлигида  “Бир макон-бир йўл” менинг қалбимда” мавзусида болалар ўртасида расмлар кўрик-танлови ўтказилади. Танловда 7 ...