Учжоу — мўъжизавий ва ажиб шаҳар

3,5 миллион аҳоли истиқомат қиладиган бу шаҳар Хитойнинг  маданияти ва иқтисодиётида муҳим ўрин тутади. Зеро, Учжоу сунъий ва  қимматбаҳо тошлар ишлаб чиқаришда мамлакат иқтисодиётининг  ўзига хос брендига айланган бўлиб, унда мингдан зиёд корхоналар фаолият юритади.

Дунё мамлакатларининг 80 фоизига маҳсулотини экспорт қилади. Эндиликда табиий тошлар асосида яратилган буюмлар ва сувинирлар ҳам унинг муҳим тармоқлари саналади. Шаҳар марказида  сунъий ва қиммабаҳо тошлар бозори бўлиб,  400 дан зиёд дўконлар мавжуд. 2014 йилда шаҳарда ишлаб чиқариш корхоналари фаолиятини қўллаб-қувватлаш ва экологик муаммоларга ечим топишга қаратилган 4 та иқтисодий зоналар ташкил этилди. Шаҳарнинг  ҳар жиҳатдан қулай ҳуддудда жойлашганлиги ҳам  саноатининг ривожига катта ҳисса қўшади.

Сафаримиз давомида тиббиёт воситалари ишлаб чиқарадиган фармацевтика цехи, “Гуйлингао желе” музейи фаолияти билан ҳам яқиндан танишдик. Музейда тошбақадан тайёрланган саломатлик учун фойдали бўлган турли  желе намуналарини кўриш мумкин.

«Guangxi wuzhou maosheng tea co, LTD» чой плантацияси раҳбари Цу Шу Мэй хоним бизни қувонч билан кутиб олди. Компания ҳақида маълумот бериб, ишлаб чиқарилаётган чойнинг афзаллиги  ҳақида  айтиб ўтдилар. Чойнинг тайёрланиш, қадоқланиш жараёнида иштирок этдик ва улар сақланадиган махсус омборхонада бўлдик.  Бу ерда  чойнинг 10 га яқин турлари ишлаб чиқарилади ва барча давлатларга экспорт қилинади. Плантация кўргазма зали фоесидан ўрин олган 1 тонналик чой намунаси  ҳеч кимнинг эътиборидан четда қолмади. Хитой қизлари томонидан санъат даражасига кўтарилган чой дамлаш саҳнаси намойиш этилди.

Шу билан бирга, 1800 йиллик тарихга эга Учжоу шаҳри музейи ҳамда Хэган биносининг ўзига хос жиҳатлари  ҳам шаҳарнинг нуфузи ва қийматини янада ошириб турарди.

Наньнинг шаҳрида  бўлганимизда Цинсю тоғи ва ботаника боғини томоша қилдик.  Тоғ бағрида шаҳар кафтдек кўриниб турарди.  Бетакрор флора олами ва табиат манзаралари эса ҳар биримизни мафтун қилганди.  Ёрқин гуллар, ландшафт дизайн асосида ташкил этилган манзараларни кўриб,  ҳайратимизни яшира олмадик. Бу ерда  шаҳарнинг рамзий  белгиси бўлган “Хитой атиргули”нинг кўплаб турларини учратиш мумкин эди.

Хитой Халқ Республикасининг бошқармаси  қошидаги  чет тилларидаги адабиётларни нашр қилиш ва тарқатиш бўйича  ўқув маркази бошлиғи  Чжао  Лицзюнь  ва марказнинг халқаро коммуникациялар бўлими мудири Ван Фэн барча иштирокчиларга миннатдорчилик билдириб, ўзаро ҳамкорлик алоқаларини янада мустаҳкамлаш ишларида омадлар тилади. Турли давлат делегация аъзоларининг вакиллари ҳам семинар ҳақида илиқ фикр билдиришиб,  меҳмондўстлик учун ташаккур айтишди.

Сафар таассуротларини  сўз билан изоҳлаш мушкул эди.  Бизни қувонтирган яна бир нарса, бу мамлакатда бўлган кунларимизда Ўзбекистонга борган кўплаб хитойликлар билан суҳбатлашдик. Уларнинг барчаси ҳам диёримизнинг нақадар жаннатмакон юрт эканлиги, қўҳна ва навқирон шаҳарларнинг муҳташам обидалари, тотли мевалари ва таомларини мақташди. Мен шу юртнинг фарзанди эканлигимдан чексиз фахрландим.

Камола ПОЛВОНОВА. 

 Тошкент-Пекин-Гуанси-Чжуан автоном райони-Пекин-Тошкент. 

Бошқа хабарлар | 其他新闻

Ривожланган телевидение истиқболи
Пекиннинг Фуцзин кўчаси жойлашган Хитой Марказий Телевиденияси. Баланд бинода жойлашган телевидениега кирар экансиз ҳайратингиз ошмай қолмайди. Ривожланиш жиҳатидан анча илдамлаб кетган Хитой Республикасида оммавий ахборот ...
Хитойнинг бугунги кўриниши қандай? (фото)
Уларнинг ишбилармонлиги, йўқ жойдан ундириб, борини дўндирувчи одамлари, шаҳарларидаги тезкор ривожланиш, йилдан-йилга осмон ила бўйлашаётган бинолар қад ростлаётгани дунё афкор оммасининг ҳавасини келтиргани рост. Ошхонасининг ўзига хослиги-ю, урф-одатлар, анъаналарга эга халқ эканлиги ҳам бор гап. ...
Хитой ва Ўзбекистон дўстлик алоқалари абадий
Катта таъсуротлар билан Пекинга самолёт билан учиб келдик. Медиа-турнинг сўнгги кунида Чет мамлакатлар билан Хитой Халқлари Дўстлик Жамияти фаолияти билан танишдик. 1954 йил 3-майда ...
Дарахтлар инсондек азиз ёки гул кўкарган тошларни кўрдик… (фото)
Хитой нафақат  қадимий цивилизация бешиги, балки бетакрор табиат, ноёб дарахтлар, турфа гуллар макони ҳам. Ўзбекистонлик бир гуруҳ журналистларнинг ижодий сафаримиз  пойтахт Пекин шаҳридан бошланди. [caption ...
«Бўйдоқлар куни» қандай нишонланади?
Хитойда ҳар йили 11 ноябрь куни «Бўйдоқлар куни» нишонланиши анъанага айланган. Бу кунни «Бутундунё савдо куни» деб ҳам аташади. Никоҳда бўлмаган инсонлар ушбу кунни байрамона ўтказишга одатланган.  Байрам ...
Хитой афсона эмас, ҳақиқатлар ва чин мўъжизалар мамлакати эканлигига гувоҳ бўлдик
Хитой  цивилизацияси  дунёдаги қадимий  цивилизация бешикларидан бири эканлиги тарихдан маълум.  Хитой маданияти жаҳондаги  энг қадимий афсонавий  маданият  ўчоғи  ҳисобланади.  Конфуций таълимоти бир неча юз ...
Гуанси-Чжуан: ёрқин ранглар ила ой шуъласидаги рақс
Унутилмас саёҳат таассуротлари Хитойнинг жанубида жойлашган  Гуанси-Чжуан автоном районидаги бир нечта шаҳарларда бўлиб, “Пекин – Гуйлин” йўналиши бўйича янги сафаримиз бошланди. Гуйлин шаҳри ўзининг бетакрор табиати, ...
Нечта хитой бор?
Хитой- инсоният тақдирини ўзгартирган кашфиётлар, осмонўпар бинолар, яшиликка бурканган тоғлар, буюк Хитой деворининг Ватани. Хитойга Ўзбекистон ОАВ вакиллари билан ҳамкорликдаги ташрифимиз давомида мамлакатни қайтадан кашф ...
Тошларда акс этган муҳаббат (фото)
Хитойга борганимизда ҳар бир ташкилот ва корхона дарвозасининг икки ёнида афсонавий жониворлар ҳайкаллари ўрнатилганига гувоҳ бўлдик. Улар қадимдан хавфсизлик, хотиржамлик, бойлик ва омад тимсоли ...
Пань Сянь Цзянь: «Обуна – газетачининг иши эмас»
Мамлакат жанубидаги Фуцзянь провинциясида бўлганимизда айнан шу номдаги ҳудудий газета таҳририятига бориб, бош муҳаррир Пань Сянь Цзянь билан учрашдик. Унинг айтишича, Интернет ривожланишига қарамасдан ...
Телевидение ривожининг ўзига хосликлари
Хитой Халқ Республикаси сўнгги йилларда жаҳонда ҳар соҳада етакчиликни қўлга киритаётган давлатлардан бирига айланди. Хитой ҳукумати оммавий ахборот воситаларининг ривожига катта эътибор бермоқда. Ушбу ...
Сиз эшитмаган ва кўрмаган мўъжизалар
Саёҳатимиз давомида кўплаб қизиқарли тассуротларга, билим ва кўникмаларга эга бўлдик. Илк бор қадам қўйган мамлакати ҳар қандай одам учун сирли ажойиботлар дунёси бўлиб кўринади. ...