Хитойча нақл: “Киши ёлғиз қолса, вафот этади”

Хитой тиббиёти узоқ тарихга эгалиги ва ўзига хослиги билан дунё аҳлини қизиқтириб келади. Ҳусусан, хитойликлар тиббиётни “ҳаёт ҳақидаги фан”нинг бир қисми сифатида ўрганишади.

Уларда анъанавий халқ табобатига эътибор шунчалик кучлики, хитой табиблари бирорта бир касалликни даволашдан аввал даво муолажасини инсон руҳиятини соғайтиришдан бошлайдилар. Узоқ умр кўриш борасидаку, хитой қарияларига етадиган йўқ. Хўш, уларнинг бундай  узоқ умр кўришининг сири нимада?

Ушбу саҳифамизда Хитой тиббиётнининг муҳим жиҳатлари, яъни узоқ умр кўриш бўйича бир неча тавсияларни келтириб ўтамиз.

Ҳаракат

Кўпчилик хитойликлар “Тай-цзи” деб аталувчи гимнастика машқлари билан истаган ерда, истаган об-ҳавода шуғулланишни одат қилиб олганлар. Ҳитой шифокорларининг таъкидлашича, бу машқлар даволовчи гимнастика, пиёда сайр қилиш, сузиш каби оддийгина жисмоний машқларни ўз ичига олади.

Фото: 悟空问答

Қаттиқ уйқу

Тиниқиб ухлаш ва эрталаб яхши кайфиятда уйғониш учун аввало, ўз вақтида ухлашга ва уйғонишга  одатланиш керак. Мутахассислар оч қорнига ухлашни ёки тўйиб овқатлангандан кейин ухлашга  ётишни маъқулламайдилар.

Фото: 新浪新闻

Улар фикрича, овқатланишдан уч соат ўтгандан кейингина ухлашга ётиш мақсадга мувофиқдир. Масалан, соат 6 да кечки овқатни қилган бўлсангиз, соат 9 ларга яқин ухлашингиз мумкин.

Тўғри овқатланиш

Овқатланишда энг муҳим меъёрга амалга қилишдир. Қирғичдан ўтказилган маҳсулотлар киши организми учун жуда фойдали. Тез тайёр бўлувчи “фастфуд” маҳсулотлар эса саломатлик учун зарар. Қолаверса, кўпроқ сув ва кўк чой ичишга одатланиш зарур (хитойликлар ўзлари билан термосда кўк чой олиб юришади).

Фото: 亚太日报

Хитой халқи овқатга егулик, деб эмас, даволовчи восита сифатида қарашади. Хусусан, улар совуқ ҳавода иссиқ, жазирамада салқин, фасллараро мўътадил об-ҳавода эса илиқ таомлар истеъмол қилишади. Хитойликларнинг фикрича, бундан овқатланиш тури организмнинг қувват балансини бир меъёрда сақлашга ёрдам беради.

Дўстона жамоада қизиқарли машғулотлар билан машғул бўлиш

Хитойликларда шундай нақл бор: “Киши ёлғиз қолса, вафот этади”. Бу нақл кўринишидан совуқ кўринса-да, кўпчилик шу қоидага амал қилади. Улар ўз қизиқишлари билан баҳам кўра оладиган дўстлар даврасида бўлишни канда қилишмайди.

Фото: viajerototal.com

Рақс, куй ва қўшиқлар, гимнастика – булардан ҳар бири киши “ўзиникини” топиши аниқ. Одам тафтини одам олади, деганлари шу бўлса керак-да. Шундай экан биз ҳам бу борада хитойликлардан ўрнак олсангиз арзийди.

Ижобий хис туйғулар, барчага хотиржамлик ва яхшилик тилаш

Тушкун ёки стрессли вазиятларда нохуш ҳолатларга эътибор бермай, хотиржамликни сақлай олиш муҳимдир.

Фото: pxhere.com

Хитойликлар фикрича, бўлиб ўтган ишларни тузатиб бўлмайди, улар ҳақида ғам чекиш ноўрин. Кўнгилда хотиржамлик ва осойишталик билан олдинга қадам ташлашга ҳаракат қилиш лозим.

Узоқ умр кўриш нуқталарини уқалаш

Бу нуқталарни юзта касалликлардан қутулиш деб ҳам номлашади. Бу қандай нуқталар, қаерда жойлашган дерсиз? Хитойда Цзу Сан Ли деб номланган бу сеҳрли соҳалар, тизза қопқоғидан 4 бармоқ пастдаги чуқурчада жойлашган.

Фото: all-for-woman.com

Бу соҳани кунига 3 марта 3 дақиқадан массаж қилиш кўпгина касалликларни енгишга ёрдам беради.

Наргиза УТЕПОВА,

журналист

 

Бошқа хабарлар | 其他新闻

Конфуций ёҳуд «фалсафа ўқитувчиси»
Конфуций милоддан илгари тахминан 551—471-йилларда яшаган. Унинг бутун дунёда машҳур бўлган номи «кун» ва «фуцзи» сўзлари асосида ясалган «Кун» ҳозирги вақтда фамилияни англатувчи сўз ...
Фотоархив: Президентлар «Дўстлик дарахти»ни экмоқда
2006 йил, 14 июн. Мамлакат Президенти Ислом Каримов Шанхай ҳамкорлик ташкилотига аъзо давлатлар раҳбарларининг навбатдаги саммитида иштирок этди. Шанхай ҳамкорлик ташкилоти бундан беш йил муқаддам ...
«Лунтайтоу» байрами ёки соч олдириш маросими
Шу кунларда Хитойда ой тақвими бўйича иккинчи ойнинг иккинчи кунида "Лунтайтоу" байрами кенг нишонланмоқда. Шунингдек, ушбу байрамда соч олдириш маросимлари ҳам ташкилланиб, бу тадбир кириб келган ...
Ванг Ван Чун: “Ўзбек ва Хитой халқ табобатининг ўзаро ўхшаш жиҳатлари кўп”
Аввал хабар қилганимиздек, айни кунларда хитойлик бир гуруҳ шифокор мутахассислар юртимизда бўлиб турибди. Улардан бири, Цзянси анъанавий хитой табобати университети клиникаси бош шифокор ўринбосари, ...
Ногиронлиги бор икки хитойлик ўрмон яратишди (видео)
Хитойнинг шимолий-шарқий қисмида жойлашган Ели қишлоғида истиқомат қилувчи Цзя Хайся ва Цзя Вэньци 13 йил давомида 10 минг дона дарахт экиб, ўз қишлоқлари ва ...
Хитойликлардан қайси жиҳатларини ўрганишимиз мумкин?
Хитойдан ўрганишимиз, олишимиз мумкин бўлган жуда-жуда кўп жиҳатлар бор. Аслида ҳозир сиз биладиган дунёнинг иккинчи рақамли давлати бўлган Хитой атиги 30-35 йил аввал анча ...
«Бой бўлмоқчи бўлсанг, аввал йўлларингни тузат”
“要想富,先修路” таржимаси "Бой бўлмоқчи бўлсанг, аввал йўлларингни тузат”. Бу хитой халқи ичида тез- тез қўлланиладиган ибора. Бой бўлишни истаган инсон, албатта, уйига йўл очган, хонадонига ...
Пекинда ҳайдовчисиз таксилар синовдан ўтказилмоқда (видео)
Пекинда ҳайдовчисиз такси тизими синовдан ўтказилмоқда. Октябр ойида пайдо бўлган бу автомобилларни “Байду” компаниясининг бошқарув мажмуаси синовдан ўтказади. Улар апробация даврида таксида хавфсизлик ва узлуксиз ...
Ҳайкаллар суратидаги мевалар (фото)
Хитойда мевали ҳайкалларни яратиш урфга айланган. Исо, Будда, Конфуций, Мао Зедонг, чақалоқ сурати акс этган мева ва сабзавотлар мамлакатнинг супермаркетларида ҳаридоргир. Авваллари сабзавот ва мевалардан ...
Хитой ҳукмдоридан темурийзода Шоҳрухга юборилган ов қушлари
1419 йил – тарихчи олим Фасиҳ Хавофийнинг “Мужмали Фасиҳий” асарида қайд этилишича, Хитой ҳукмдори Дай-Минг-Хоннинг Ли-Тожин ва Хан-Тожин исмли элчилари амирзода Шоҳрух бошчилик қилаётган Темурийлар ...
«Аньцзи» ёки афсонавий кўприклар ҳақида
Анцзи кўприги, хитой тилидан "Хавфсиз ўтиш кўприги" деб таржима қилинган бўлиб, дунёдаги энг қадимги тошли арка кўприк ҳисобланади. У блоклардан ясалган ва ҳаво ўтказгич ...
3 000 йил олдин барпо этилган тош ҳайкал
Лассасан Будда -  Хитойдаги Танг сулоласи пайтида қурилган 71 метрли тош ҳайкал. Сичуан вилоятида 3 000 йил олдин барпо этилган. Бу Жинша харобаларидаги энг ...