Қадим Сиан шаҳрига хуш келибсиз! (видео)

Сиан қадимги шаҳарларидан бири бўлиб, 1100 йилдан кўпроқ вақт давомида Хитойнинг пойтахти сифатида хизмат қилган.

Хитой марказидаги мазкур шаҳарнинг тарихи 3000 йилдан ошади. Айрим манбаларга қараганда, бир вақтлар у аҳоли сони ва ҳудуди жиҳатидан нафақат Чин юрти, балки бутун дунёдаги энг йирик шаҳар бўлган. Шу билан бирга, Хитой императорларининг ўн уч сулоласи даврида мамлакат пойтахти мақомини эгаллаган.

Терракота армияси

Буюк ипак йўлининг муҳим чорраҳаларидан бирида жойлашган ушбу шаҳар теграсида кўплаб қадимий мақбаралар, хусусан, император Цинь Шихуандининг терракота армияси билан бирга дафн қилинган мақбараси бор.

Бу ердаги саккиз мингдан зиёд аскар, гарчи сополдан бўлса-да, ҳақиқий жанговар от-аравалари ва қурол-аслаҳалари билан ўз даврининг энг қудратли армиясини намоён этади. Улар 1974 йилги қазишма ишлари даврида эрамиздан аввалги 210-209 йилларда мамлакатни бирлаштирган император Цинь Шихуандининг мақбараси атрофидан топилган. 1987 йилда терракота армияси ЮНЕСКО томонидан Жаҳон мероси дурдоналари рўйхатига киритилган.

Қадимий шаҳар девори

Шаҳар тарихий қисмининг камарига айланган бу девор XV-XVII асрларда ҳукмронлик қилган Мин сулоласи даврида барпо этилган. Ўз даврида у ташқи томондан чуқур ҳандақлар билан ҳам ўралган ва мустаҳкам истеҳком вазифасини ўтаган. Муайян қисмларида барпо этилган қалъалар ташқарига чиқадиган кўприк билан жиҳозланган ва айни пайтда ишончли мудофаа иншооти бўлган.

Деворнинг яна бир ўзига хос жиҳати унинг ўлчамларидир. Бўйи 15, эни 12 метрга етадиган бу девор устидан қадимги даврнинг барча транспорт воситалари, оғир жанговар-техникавий аслаҳалари, катта миқдордаги жангчилар бемалол ҳаракатлана олган. Унинг туннеллари ва туйнуклари эса шаҳар мудофаа қудратини янада оширган.

Сиань нафақат ўзининг бетимсол обидалари, балки юксалиб бораётган иқтисодий қудрати билан ҳақли равишда Хитойнинг энг диққатга сазовор шаҳарларидан биридир.

Бошқа хабарлар | 其他新闻

Хаёлларга берилиш ўрнига, фикрингиздаги нарсани амалга оширинг. Хитойлик миллиардер Жек Ма камбағал кишиларнинг руҳияти ҳақида
Хитойлик миллиардер Жек Ма камбағал кишиларнинг руҳияти ҳақида фикр билдирди. Қуйида унинг таржима қилинган матнини келтирамиз. “Камбағал кишилар талабини бажариш жуда мушкул. Уларга ниманидир текинга берсанг, ...
Хитойда уч асрни кўрган энг кекса онахон 134 ёшини нишонлади
Хитойнинг энг йирик газетаси «Женмин жибао»нинг интернет-версияси Хитойда яшовчи Алимихан Сеитини дунйодаги энг кекса одам деб ёзди, деб хабар бермоқда «Дунё» АА мухбири. Нашр ахборотига ...
“Ўйинчоқлар тарихи” фотосессияси
Статистик маълумотларга қараганда ер юзидаги энг кўп тайёрланадиган ўйинчоқлар Хитойнинг зиммасига тўғри келади. Янада аниқроқ айтадиган бўлсак, бу қиймат 75 фоизга тенг. Миллион турдаги ўйинчоқларни ...
Хитой тажрибаси: “онлайн-қишлоқ”лар мўъжизаси
Айнан мана шундай қишлоқларда “Taobao қишлоқлари” феномени юзага келди. Бу феномен муайян маҳсулотлар ишлаб чиқариш ва йирик хитой интернет-дўконлари орқали сотиш орқали иқтисодий юксалишга ...
Фотогалерея: Уссур турналари Ляонин провинциясида
Сураткаш Ян Цин Шенян шаҳри ҳайвонот боғидан фотолавҳалар тайёрлади.
Хитойлик “муз бола” эсингиздами? (видео)
2018 йил январ ойининг қаҳратонида мактабига қалпоқсиз деярли 5 км пиёда юриб боргандан кейин “муз бола” номини олган Ванг Фуман интернетда машҳур бўлиб кетди. 8 ...
Виртуал сухандон яратилди
Хитойнинг Синхуа давлат матбуот агентлиги сунъий янгиликлар сухандонини «ишга олди». Сухандон суткасига 24 соат бемалол ишлай олади, янгиликларни эса синтетик овоз ёрдамида ўқийди. Сухандонни яратишда фойдаланилган ...
Хитой қандай қилиб коронавирусни енгмоқда?
Хитой Халқ Республикасининг Ўзбекистондаги Фавқулодда ва мухтор элчиси Цзян Янь хоним Чин мамлакати қайси усул билан даҳшатли инфекциянинг тарқалиш йўлларини тўсгани, эпидемияга қарши самарали ...
Хитой дунёнинг энг хавфсиз мамлакатларидан бири
Хитой, жиноятлар содир этилиши нуқтаи назаридан, жаҳондаги энг хавфсиз мамлакатлардан бири, 2019 йилда қўзғатилган жиноят ишлари сони 2016 йилга солиштирганда 24,3 фоизга камайган. Мамлакатдаги жамоат ...
Кўринмас мато ҳақида эшитганмисиз? (видео)
Хитойлик олимлар тўлиқ кўринмас материални ишлаб чиқармоқда. Матонинг хусусиятлари квант заррачаларининг сунъий яратилган тузилмаси билан боғлиқ. Бундай материаллар инфрақизил  нурланишни синдиришнинг манфий кўрсаткичига эга. Шу ...
Ипак йўли Сиан шаҳридан бошланган(ми)?
Биласизми, қадимда Марказий Осиё ва Хитойни бирлаштирган Буюк Ипак йўли айнан Сиан шаҳридан бошланган. Шаҳарнинг диққатга сазовор масканларидан бири Шэнси вилояти тарих музейидир. Бу замонавий ускуналар ...
Хитой мактаблари ҳақида қизиқарли маълумотлар
Хитойда яшаш осон эмас. Аҳолиси кўп бўлган мамлакатда ўз кунини кўриш учун тинимсиз меҳнат қилишга тўғри келади. Бироқ хитойлик болалар бунга тайёр ―уларнинг оғир ...