Дунёни буткул унутиб, қолиб кетгим келган орол ҳақида

У шундай оролки бир кўчаси Франция романтикасини, яна бири Испания дунёсини яна бир муюлиши эса Италия гўзаллигини эслатади. Кўҳна Европа тароватини ёдга солувчи муюлишларда Хитойнинг осмонга қараган томли уйларини ҳам учратиш мумкин. Улар орасида Япония архитектураси ҳам бир-бирини такрорламас маданиятларга қўшилиб кетган. Биз сизга тасвирлаётган Хитойнинг Гуланг Ю оролчаси бугун тўлақонли маънода сайёҳлар оролига айлантирилган.

Оролда автомобилда ёки велосипедда ҳаракатланиш тақиқланади. У ерда фақат пиёда ёки рикшаларда сайр қилиб оролнинг гўзал табиатидан баҳраманд бўлиш мумкин. Табиат инъом этган гўзалликка бой бўлган оролча жойлашиши бўйича тарихда Хитой ва Тайвань ўртасида муҳим стратегик нуқта бўлган. Англия бошчилигида Европанинг бир қатор 10 га яқин давлатлари у ерда ўз элчихоналарини барпо этган. Маълум вақт орол Япония истеълосига ҳам бардош берган.

Оқибатда оролда бу тарихий даврлардан ёдгорлик бўлган архитектура намоёндалари қолиб кетган. Гуланг Ю нинг шарқ ва ғарб маданиятлари уйғунлашган кўчаларини кезар экансиз йўл четида сомонли шляпалар кийган манго кўтариб олган сотувчиларни, елпиғич ва бошқа эсдалик совғалари билан савдо қилаётган чин гўзалларини учратиш мумкин. Назаримда денгиз сувлари шу кичик оролча аҳолисини шошма-шошар дунёдан ажратиб қўйгандек. Сабаби сиз бу ерда ишга шошаётган, такси чақириб қўл силтаётган тараққиёт “қурбони” бўлган одамларни учратмайсиз. Оролнинг бошқача номи “Денгиз боғи”, деб аталади. “Денгиз боғи”нинг аҳолиси 20 мингга яқин бўлиб, улар автомобилсиз ҳаётларидан нолимайди. Қўлида манго тутган сотувчи эркак юзида табассум билан шундай дейди: “Мен дунё кезиб юрт томоша қилмадим, аммо мен туғилиб ўсган юртни томоша қилгани келганларни кунда томоша қиламан, уларга манго сотаман. Мен шу кичик ишим билан ўз ҳаётимдан мамнунман.”

Оролда асир қолган Фортепианолар

Яна Гуланг Юнинг ўзига хос тарихий ёдгорликларидан бири ундаги икки қаватли Фортепианолар музейидир.

Хитой маданиятидан бироз олис бўлган бу мусиқа асбоблари оролда қачонлардир Европалик зодагонлар бўлганини ёдга солади. Маълум бўлишича авваллари шу кичик оролчада 600 тага яқин пианинолар бўлган. Ҳозирда эса улардан 300 га яқини сақланиб қолинган. Музейда ҳам уларнинг 50 тага яқин энг антиқа турларини учратиш мумкин. Африкадаги ноёб дарахтдан ишланган пианино, ўзи куй чаладиган ва ҳатто Хитой нақшлари солинган шарқона фортепианолар ҳам топилади.

Оролчадаги яна бир маданий марказлардан бири бу Куланг Юнинг тарихи, адабиёти ва санъати ҳақида сўзловчи тарих музейидир. Очиғи катталиги 2 километр квадратдан кичикроқ бўлган оролни маданий ёдгорликлари билан тўла музейга эгалиги мени лол қолдирди. Музейда кичик оролнинг ўз шоирлари, маърифатпарварлари ва ҳатто революционерлари бўлганини ҳам гувоҳи бўласиз. Менимча бир парча ерни ҳам Ватан деб эъзозлашнинг ҳақиқий кўриниши шундай бўлса керак. Кичик тарих музейида Гуланг Ю ҳақида сўзловчи осори-атиқалар билан бирга қўшимча маълумотлар берувчи видео ва голограммали маълумотлар ҳам бор эди. Тарих музейидан ташқари оролда бир қанча XIX асрга тегишли уйлар, ўша даврдаги зодагонлардан қолган виллалар музейга айлантирилиб сақлаб қолинган.

Куланг Юнинг тор кўчаларида сайр қилар экансиз Хитой таомларининг ҳиди сизга “тинчлик бермайди”. Оролда асосан миллий таомлардан ўзга фаст-фуд ёки бошқа миллат ошхонасини учратмайсиз. Кўчаларда сайр қилиб юрган сайёҳлар орасида маҳаллий миллат вакиллари ҳам анчагина. Бу кичик оролча кунига 65 минг сайёҳни қабул қила олади. Паромлар денгизнинг нариги қирғоғидан Куланг Юга яна тўда-тўда сайёҳларни олиб келади ва яна бошқалари билан қайтади.

Куланг Юдаги сокин ва оддий ҳаёт одамни шунчалар сеҳрлаб қўядики нариги қирғоқдаги ўз ташвишлари билан қайнаётган оламга қайтгингиз келмайди. Мен ҳам дунёни буткул унутиб шу оролчада манго ёки соябон сотувчи қиз бўлиб, қолиб кетгим келди.

Бошқа хабарлар | 其他新闻

Хитой электромобил ишлаб чиқаришда етакчи
Бугунги кунга келиб инсоният экологик муаммоларни ҳамжиҳатликда ҳал қилмаслик, оғир оқибатларга олиб келишини тушиниб етишди. Биргина  автомобиль саноатини оладиган бўлсак, бутун дунёда соҳанинг жадаллик ...
Гуанси-Чжуан: ёрқин ранглар ила ой шуъласидаги рақс
Унутилмас саёҳат таассуротлари Хитойнинг жанубида жойлашган  Гуанси-Чжуан автоном районидаги бир нечта шаҳарларда бўлиб, “Пекин – Гуйлин” йўналиши бўйича янги сафаримиз бошланди. Гуйлин шаҳри ўзининг бетакрор табиати, ...
«Ёпиқ шаҳар» сирлари
1406-1420 йилларда бунёд этилган Хитой императорлари қароргоҳи эгаллаган ҳудуди жиҳатидан ер юзидаги энг йирик сарой мажмуаси ҳисобланади. Энг қизиғи, орадан шунча аср вақт ўтса-да, ...
Хитойда нега кичик янги йил нишонланади?
Ҳар йили февралда Хитойда кичик янги йил кенг нишонланади. Нега кичик янги йил дерсиз? 8  февралда хитойликлар Сяонянь  (кичи Янги йил) , яъни Хитойдаги ...
Дарахтлар инсондек азиз ёки гул кўкарган тошларни кўрдик… (фото)
Хитой нафақат  қадимий цивилизация бешиги, балки бетакрор табиат, ноёб дарахтлар, турфа гуллар макони ҳам. Ўзбекистонлик бир гуруҳ журналистларнинг ижодий сафаримиз  пойтахт Пекин шаҳридан бошланди. [caption ...
Ривожланган телевидение истиқболи
Пекиннинг Фуцзин кўчаси жойлашган Хитой Марказий Телевиденияси. Баланд бинода жойлашган телевидениега кирар экансиз ҳайратингиз ошмай қолмайди. Ривожланиш жиҳатидан анча илдамлаб кетган Хитой Республикасида оммавий ахборот ...
Хитой матбуоти тараққиётининг сири нимада?
Ўзбекистон матбуоти тақдири, келажаги бугун кўпчиликни хавотирга солаётгани сир эмас. Газеталарнинг обуна масаласи ҳамон ўз ечимини топганича йўқ. Обуна ташкил этишнинг муқобил ечимлари устида ...
Нечта хитой бор?
Хитой- инсоният тақдирини ўзгартирган кашфиётлар, осмонўпар бинолар, яшиликка бурканган тоғлар, буюк Хитой деворининг Ватани. Хитойга Ўзбекистон ОАВ вакиллари билан ҳамкорликдаги ташрифимиз давомида мамлакатни қайтадан кашф ...
Бизни қаршилаган денгиз
Бир ёни дарахтзору, баланд бинолар бир ёни денгизга туташ шаҳарга борарканмиз ҳавонинг иссиқлигига қарамай сувнинг жилоси ўзига тортди. Тезюрар поезда журналистлар жамоаси Сиаменга кириб ...
Тилимиз бошқа, дилимиз бир… 
(Навоийлик журналист Хитойда бўлиб қайтди) Хитой Халқ Республикаси — дунё  харитасидан аҳолиси  кўплиги, ишлаб чиқариши ривожланганлиги, янги инновацион ғоялар ижодкорлиги, техника тараққиётидаги улкан ютуқлари билан  мустаҳкам ...
Цзянсу: самарали учрашувлар, фойдали мулоқотлар
Цзянсу – таркибида 13 шаҳарни бирлаштирган Хитойнинг йирик провинцияларидан бири. Провинцияда 80 миллиондан зиёд аҳоли яшайди. Провинция маркази – Нанкин шаҳри Мин сулоласи даврида ...
Телевидение ривожининг ўзига хосликлари
Хитой Халқ Республикаси сўнгги йилларда жаҳонда ҳар соҳада етакчиликни қўлга киритаётган давлатлардан бирига айланди. Хитой ҳукумати оммавий ахборот воситаларининг ривожига катта эътибор бермоқда. Ушбу ...