Дунёдаги энг катта, замонавий “Дасин” халқаро аэропорти иш фаолиятини бошлаганига бир йил тўлди. Бу ҳақда “Синхуа” ёзмоқда.
Юқори стандартлар ва инновациялар аэропортга сўнгги 12 ой ичида узлуксиз ишлашини таъминлади.
Аэропортнинг умумий йўловчи ташиш ҳажми бу ҳафта 10 миллионлик кўрсаткичдан ошиб кетди. Ҳозирда аэропорт мамлакат бўйлаб 129 аэропортни бирлаштирган 187 та ички ҳаво йўналишларини бошқаради.
Мавзуга оид: Видео: Дунёдаги энг йирик аэропорт қаерда?
Аэропортда 84 мингта учиш ва қўниш амалга оширилди. Юк ташиш ҳажми эса 39 минг тоннани ташкил этди.
China Southern Airlines авиакомпанияси ушбу аэропортда 80 фоиз рейсларини амалга оширишга муваффақ бўлди.
Компания 2025 йилга қадар яна 200 дан ортиқ самолётни эксплуатация қилиб, 28,8 миллион йўловчига хизмат кўрсатишини режалаштирмоқда.
