Хитойнинг “Синьхуа” ахборот агентлиги саҳифаларида Ўзбекистон мавзуси доимий ёритиб борилмоқда

Замонавий Ўзбекистон ҳаётида рўй бераётган муҳим ўзгариш ва янгиланишлар Хитойнинг етакчи оммавий ахборот воситалари, шу жумладан, “Синьхуа” ахборот агентлигида ҳам кенг ёритиб борилмоқда.

Хусусан, куни кеча “Синьхуа”  сайтида “Ўзбекистон Президенти Қамчиқ довони орқали янги автомобиль тоннели қурилишини жадаллаштириш юзасидан топшириқ берди” сарлавҳаси остида навбатдаги ахборот эълон қилинди, деб хабар бермоқда “Дунё” АА.

Унда Ўзбекистон Президенти  Шавкат Мирзиёев давлат-хусусий шериклигининг устувор лойиҳалари билан танишиш чоғида Қамчиқ довони орқали янги тоннел қурилишини жадаллаштириш бўйича кўрсатма бергани ҳақидаги маълумотлар келтирилади. Агентлик давлат раҳбарининг Қамчиқ довонида янги тоннел қуриш бўйича тендер-лойиҳа ҳужжатларини ишлаб чиқиш ва тендер эълон қилиш муҳимлигини қайд этганини маълум қилган.

“Бугунги кунда Қамчиқ довони орқали Тошкентдан Андижонга бориш учун тирбандликлар сабабли 5-6 соат вақт сарфланади. Келгуси 5 йилда эса бу вақт 40 дақиқани ташкил этиши мумкин. “Тошкент-Андижон” пуллик автомобиль йўли ишга тушган тақдирда масофани босиб ўтиш 3 соатгача қисқаради, транспорт ҳаракати эса 70 фоизгача ортади”, деб ёзади Хитой ахборот агентлиги.

Материалда қайд этилишича, ўтган йилнинг декабрь ойида тасдиқлаган махсус “Йўл харитаси”га мувофиқ тоннел қурилиши тендерини 2022 йил март ойида ниҳоясига етказиш режалаштирилган эди.

“Синьхуа” ўз ўқувчиларига мазкур довон орқали ўтадиган ушбу йўл Ўзбекистоннинг энг кўп аҳоли яшайдиган ҳудуди ҳисобланадиган Фарғона водийсини мамлакатнинг қолган қисми билан боғловчи ягона автомобиль магистрали эканини таъкидлаб, Қамчиқ довони орқали биринчи тоннел 2016 йили Хитойнинг “China Railway Tunnel Group” компанияси томонидан қурилгани ва фойдаланишга топширилганини айтади.

“Ўзбекистонда олий ўқув юртларига кириш имтиҳонлари очиқ стадионларда бўлиб ўтади” – “Синьхуа” ахборот  агентлигининг навбатдаги мақоласи Ўзбекистон Президенти жорий йилда олий таълим муассасаларига қабулни ташкил қилиш ва 2020/2021 ўқув йилига тайёргарлик кўриш масалалари юзасидан ўтказган йиғилишига бағишланди.

Унда мамлакатимиз раҳбари тест синовларини Тошкент шаҳри ва вилоятларнинг марказий стадионларида ташкил этиш юзасидан топшириқ бергани қайд этилган.

Шу ўринда давлатимиз раҳбари имтиҳонлар ўтказиш учун абитуриентлар ва назоратчилар учун эпидемиологик хавфсизликни таъминлаш зарурлигини алоҳида таъкидлагани кўп сонли ўқувчилар эътиборига ҳавола қилинган.

“Бунда имтиҳонлар кунига 2 марта ўтказилса, барчасини тахминан 12-14 кунда якунлаш мумкин. Жорий йилда мамлакат олий таълим муассасаларига (ОТМ) бакалавриат босқичига 162 минг 364, магистратурага 10 минг 425 ўрин ажратилган”, деб ёзади манба.

Бошқа хабарлар | 其他新闻

Сянган’да «Севги ва романтика» деб номланган чироқлар шоу фестивали
Хитойнинг Сянган (香港 xiānggǎng) шаҳрида Халқаро чироқлар санъат кўргазмаси очилди. Кўргазманинг асосий мавзуси - «Севги ва романтика».
Биринчи тақвимлар Хитойда пайдо бўлганми?
Астрономия фан сифатида эрамиздан аввалги 2 минг йилда шаклланган бўлса-да, Хитойда биринчи тузилган тақвимлар эрамиздан аввалги 3 минг йилликларга тўғри келади. Хань сулоласи (эрамиздан ...
Хитой қашшоқлик балосидан қутулганини эълон қилди
Инсоният яралибдики, мудом қашшоқлик билан курашиб келади, бироқ сайёрамизда ҳануз бу бўшлиқни тўлдира олганимиз йўқ. Дарҳақиқат, камбағалликни бутунлай енгиш осон иш эмас. Бунга турли йилларда ...
Хитой ҳукмдоридан темурийзода Шоҳрухга юборилган ов қушлари
1419 йил – тарихчи олим Фасиҳ Хавофийнинг “Мужмали Фасиҳий” асарида қайд этилишича, Хитой ҳукмдори Дай-Минг-Хоннинг Ли-Тожин ва Хан-Тожин исмли элчилари амирзода Шоҳрух бошчилик қилаётган Темурийлар ...
70 ёшли оёқсиз хитойлик фуқаро 19 йилда 17000 дона дарахт кўчатини экди
Касаллик туфайли икки оёғидан ажраган Ма Саньсяо 2000 йилда қарзларини узиш учун биринчи дарахтини ўтқазган эди. Аммо вақт ўтиб, у бунинг ижтимоий аҳамиятини тушиниб ...
Наврўз қандай нишонланади?
2010 йилда Бирлашган Миллатлар Ташкилоти Бош Ассамблеяси 64-сессиясида 21 мартни “Халқаро Наврўз куни” деб эълон қилиш тўғрисидаги резолюция қабул қилинди. Унга кўра, ҳар йили ...
Ногиронлиги бор икки хитойлик ўрмон яратишди (видео)
Хитойнинг шимолий-шарқий қисмида жойлашган Ели қишлоғида истиқомат қилувчи Цзя Хайся ва Цзя Вэньци 13 йил давомида 10 минг дона дарахт экиб, ўз қишлоқлари ва ...
«Биз биргаликда, албатта, бу вирус устидан ғалаба қозонамиз»
Хитой Халқ Республикаси мамлакатимизга навбатдаги инсонпарварлик ёрдамини жўнатди. Коронавирус пандемияси шароитида дунё ҳамжамиятида дўстона алоқалар, хайрихоҳлик муносабатлари янада чуқурроқ илдиз отмоқда. Хитой Халқ Республикаси томонидан ...
Хитой рақси
Хитойнинг ўзига хос мусиқа, санъат, адабиёт, рақси – буларнинг барчаси чиройли, уйғун ва мукаммал бўлиш истагига бўйсунади. Хитой рақси аввалига турли маросим ва диний ҳаракатлар ...
Андижонда хитойлик инвесторнинг фарзандига туғилганлик ҳақидаги гувоҳнома топширилди
Хитой Халқ Республикаси фуқаролари Хуанг Лианжун ҳамда Шу Жуанжунларнинг Балиқчи туманида туғилган фарзанди Хуанг Хиаобонинг туғилганлик ҳақидаги гувоҳномалар топширилди. 2021 йил 27 март куни Балиқчи тумани фуқаролик ҳолати далолатномаларини ёзиш бўлимига хитойлик фуқаролар Хуанг Лианжун ҳамда Шу Жуанжунлар 2020 ...
Конфуций ҳикматлари
Устоз айтарди: — Ота-онангизнинг хизматини адо этаётганда, уларга оҳиста сўйланг. Агар улар сизнинг айтганларингизни қилишни истамаётганликларини кўрсангиз, бари бир тавозеда тураверинг ва одоб қоидаларини бузманг. ...
Ванг Ван Чун: “Ўзбек ва Хитой халқ табобатининг ўзаро ўхшаш жиҳатлари кўп”
Аввал хабар қилганимиздек, айни кунларда хитойлик бир гуруҳ шифокор мутахассислар юртимизда бўлиб турибди. Улардан бири, Цзянси анъанавий хитой табобати университети клиникаси бош шифокор ўринбосари, ...