1 апрелдан Гуйчжоу провинциясида жойлашган дунёдаги энг катта 500 метрли FAST радиотелескопи бутун дунё олимлари учун хизмат қилишни бошлади.
Хитой Миллий астрономия обсерваторияси хабарига кўра, тегишли рухсатнома кучга киргандан кейинги бир йил ичида ҳорижлик мутахассисларга телескоп билан ишлаш учун ажратилган умумий соат сонининг 10% ажратилиши режалаштирилган.
Эслатиб ўтамиз, FAST ёрдамида тадқиқотчилар нафақат коинотни ёки экзопланеталарни ўрганиш, балки ердан ташқари ҳаёт изларини ҳам қидиришлари мумкин.
