Хитой манзаралари фотомухбир Муқимжон Қодиров нигоҳида

Ўзбекистон журналистлари ижодий уюшмаси Фарғона билоят бўлими ташаббуси ва ташкилотчилигида “Ўзбекистон-Хитой: минтақалар ҳамкорлиги” мавзусида фотокўргазма ташкил этилди.

2018 йилнинг ноябрь ойида фотомухбир Муқимжон Қодиров бир гуруҳ фарғоналик журналистлар сафарида Хитойнинг Пекин, Нанкин, Лянь Юн Ган шаҳарлари ва Цзянсу провинциясида бўлиб қайтди. Сафар чоғида М.Қодиров мингдан зиёд фотосуратларни туширди. Уларнинг бир қисми ЎзА сайтида эълон қилиниб, мамлакатимизнинг ўнлаб газеталарида чоп этилди.

Фотокўргазмага улардан айрим намуналар қўйилган бўлиб, томошабинларда катта қизиқиш уйғотди.

Фарғона вилояти тарихи ва маданияти музейида ташкил этилган фотокўргазманинг очилиш тадбирида Фарғона вилояти ҳокимининг ўринбосари Файзулло Қосимов  Хитой халқ Республикасининг Ўзбекистондаги элчиси маслахатчиси Ван Чжэньгуан ва элчихона матбуот котиби Дай Янь Ли, вилоятдаги Ўзбекистон – Хитой қўшма корхоналари рахбарлари, оммавий ахборот воситалари ҳамда жамоатчилик  вакиллари иштирок этдилар. Фотокўргазма бир ой давомида ишлайди.


Минтақалар раҳбарларининг Ўзбекистон ва Хитойдаги учрашуви факт ва рақамларда:

Хитой ва Фарғона вилояти ўртасида ўзаро савдо айланмаси бўйича 2017 йилда экспорт ҳажми 78904,1 минг АҚШ доллари, импорт ҳажми 105862,6 минг АҚШ долларини ташкил эган эди.

2018 йил 10 ойи якуни билан Хитойга экспорт ҳажми 95,2 млн. АҚШ долларини, импорт ҳажми 105,9 млн. АҚШ долларини ташкил қилди.

2018 йилнинг 12-14 июль кунлари вилоят ҳокими Ш.Ғаниев бошчилигидаги Марғилон ва Қўқон шаҳарлари ҳокимлари, уларнинг инвестиция масалалари бўйича ўринбосарлари ҳамда салоҳиятли тадбиркорлардан иборат вилоят делегацияси Хитой Халк Республикасига ташриф буюрди.

Ташриф якунлари бўйича жами миқдори 407,2 млн. АҚШ долларини ташкил этган, шундан 358 млн. АҚШ доллари  тўғридан-тўғри Хитой инвестицияси иштирокида амалга ошириладиган лойиҳалар бўйича келишувлар ва меморандумлар имзоланди.

Жумладан,

  1. “Building Materials Industry of China” компанияси билан 181,1 млн. АҚШ доллари миқдорида қурилиш маҳсулотлари ишлаб чиқариш бўйича;
  2. “Shanxi Zhongya Building Material Co.Ltd.” компанияси билан 120 млн. АҚШ доллари миқдорида қурилиш маҳсулотлари ишлаб чиқариш бўйича;
  3. “Hebei Xiemei Rubber Products Со.Ltd” компанияси билан 60 млн. АҚШ доллари миқдорида велосипед ва велосипед бутловчи қисмлари, вело-мотоцикл шиналари ишлаб чиқариш бўйича;
  4. “Zibo Herui China” корхонаси билан 6,8 млн. АҚШ доллари миқдорида олтингургутдан сульфат полимер ишлаб чиқариш лойиҳаси бўйича;
  5. “WMB Chemical Co.Ltd” компанияси билан 12,0 млн. АҚШ доллари миқдорида олтингургутдан сульфат углерод ишлаб чиқариш лойиҳаси бўйича;
  6. “ZRSC Technology Co.Ltd” компанияси 5,8 млн. АҚШ доллари миқдорида ўтга чидамли ғишт ишлаб чиқарувчи қўшма корхона ташкил этиш лойиҳаси бўйича;
  7. “Starke Uzbekistan” қўшма корхонаси томонидан 1,5 млн. АКШ доллари миқдорида чинни идишлар ишлаб чиқариш лойиҳаси бўйича;
  8. “The Urumchi Silk Road Power Trading Co. Ltd” компанияси билан 20 млн. АҚШ доллари миқдорида сиқилган газ баллонлари ҳамда улар учун бутловчи қисмлар ишлаб чиқариш лойиҳаси бўйича.

Ўзбекистон Республикаси Президентининг 2018 йил 19 июлдаги
ПҚ-3874-сонли қарорига кўра Хитой давлатининг умумий 245 млн. АҚШ доллари тўғридан-тўғри инвестицияси иштирокида амалга ошириладиган 11 та лойиҳалар киритилган. Улар қурилиш маҳсулотлари ишлаб чиқариш, металлни қайта ишлаш, халқ истеъмол моллари ишлаб чиқариш ва енгил саноат соҳаларида амалга оширилмоқда.

Жорий йилнинг 13-15 октябрь кунлари вилоятимизга ХХР Хубей вилоятини Ухань шаҳри ҳокимият вакилларидан ташкил топган 6 кишидан иборат расмий делегациясининг ташриф буюрди. Унинг натижаларига кўра Ухань ва Фарғона шаҳарлари ўртасида биродарлик алоқаларини ўрнатиш бўйича англашув меморандуми имзоланди.

Жорий йил ноябрь ойининг 13-15 кунлари Ухань шаҳрида биродар шаҳарлар халқаро форуми бўлиб ўтди. Унда Фарғона вилояти вакиллари хурматли меҳмонлар сифатида қатнашдилар.

2018 йилнинг ноябрь ойида Фарғона вилоятига Шандон вилоятининг Зибо шаҳри ишбилармон доира вакиллари ташриф  буюрдилар.

Бошқа хабарлар | 其他新闻

Шанхай халқаро медиафоруми ОАВнинг долзарб муаммоларини муҳокама қилмоқда
Шанхайда China International Import Expo— биринчи халқаро импорт товарлари ва хизматлари кўргазмаси ўз ишини бошлади. Унда дунёнинг 130 дан ортиқ мамлакатидан келган ишлаб чиқарувчилар, тадбиркорлар, ...
Ўзбекистонга визасиз келган илк хитойлик сайёҳлар кутиб олинди
Урумчи—Тошкент йўналиши бўйича парвоз қилган авиарейсда Хитойдан визасиз тартиб бўйича келган илк меҳмонлар Тошкент халқаро аэропортида Туризмни ривожлантириш қўмитаси вакиллари томонидан кутиб олинди. Чегарадан визасиз ...
“Хитой-Ўзбекистон ҳамкорлигидаги “Бир макон-бир йўл” илмий конференцияси пойтахтимизда бўлиб ўтди
Унда ЕвроОсиё ишлари бўйича Хитой ҳукуматининг элчиси жаноб Ли Хуэй Ўзбекистон ҳамда Хитой давлат бошқаруви органлари, юртимиз давлат ҳамда жамоат ташкилотлари вакиллари икки мамлакат ...
Ўзбекистонда Сичуан (Хитой) университетининг филиали очилиши мумкин
2020 йил 24 июнь куни Ўзбекистоннинг Пекиндаги элчихонаси томонидан Туризмни ривожлантириш давлат қўмитаси вакиллари иштирокида Сичуан провинцияси Ташқи ишлар канцелярияси билан музокаралар ўтказилди. Бу ...
Одил Аҳмедов Хитой чемпионига айланди
Хитой Суперлигасида 29-тур учрашувлари бўлиб ўтди. Таркибида Ўзбекистон терма жамоаси сардори Одил Аҳмедов тўп сураётган «Шанхай СИПГ» ушбу турда Пекиннинг «Ренҳе» клубини қабул қилиб, 2:1 ...
“Президент Шавкат Мирзиёев — Ўзбекистондаги ислоҳотлар даврининг меъмори”
Пекиндаги Хитой халқаро муаммолар академиясида “Президент Шавкат Мирзиёев - Ўзбекистондаги ислоҳотлар даврининг меъмори” номли китобнинг тақдимоти бўлиб ўтди. Ушбу асар ХХР Ташқи ишлар вазирлигининг Хитой халқаро муаммолар ...
Хитой телевидениесида ўзбекистонлик мухбир фаолият бошлайди
Шу кунларда Ўзбекистон оммавий ахборот воситалари вакилларидан иборат делегация Хитой Халқ Республикасида бўлиб турибди. Делегация аъзолари Хитой марказий телевидениеси CCTV фаолияти билан танишди. Унинг ...
Чжун Наньшань: Хитойдаги эпидемия ҳақидаги маълумотлар сохталаштирилган бўлиши мумкин
Инжернерлик фанлари академияси академиги Чжун Наньшань, нафас йўллари юқумли касалликлари бўйича мутахассис Гуанчжоудаги матбуот анжуманида Гуанчжоуда эпидемия пайтида қўлланилган профилактика чора-тадбирлари натижаси яхши бўлганини ...
Хитой халқига ҳамдардлик ва кўрсатилган ёрдам учун Ўзбекистон Президентига миннатдорлик билдирилди
Хитой Халқ Республикаси Раиси Си Цзиньпин Ўзбекистон Республикаси Президенти Шавкат Мирзиёевга йўллаган мактубда бундай дейилган: “Муҳтарам Президент жаноблари! Хитой коронавирус тарқалишига қарши олиб бораётган кураш муносабати ...
Ўзбекистон Хитойга визани бекор қилди
Хитой Халқ Республикаси, шу жумладан Хитой Халқ Республикаси Гонконг махсус маъмурий ҳудуди фуқаролари учун Ўзбекистон Республикасига киришда визасиз режимни белгилаш тўғрисида Президент Фармони қабул ...
Лойиҳа ёпилди, кўзлар эса очилди
Аввал хабар берганимиздек, Ўзбекистон Хотин-қизлар қўмитаси, Соғлиқни сақлаш вазирлиги ҳамда Хитой Халқ Республикасининг Тошкентдаги элчихонаси билан ҳамкорликда жорий йилнинг 25 ноябридан бугунги кунга қадар ...
Фотофакт: Ҳунан шифокорлари уйларига қайтишмоқда
Хубей провинциясининг Хуангганг шаҳрига коронавирус инфекцияси эпидемиясига қарши курашиш учун 600 га яқин тиббиёт ходимлари юборилган эди. Улар бугун махсус поэзд билан Ҳунанга қайтиб келишган. ...