Хитойнинг Гансу вилоятида туяларга мўлжалланган дунёдаги илк светофор қўлланила бошлади. Ишга туширилган мазкур светофорлардан кўзланган мақсад одамлар ва туялар ҳаракатини тартибга солишдан иборат.
Светофорнинг яшил «кўзи» ёнганда туялар йўлни кесиб ўтади, қизилида эса сайёҳлар.
Бу ерда сайёҳлар эътиборини тортадиган энг қизиқарли жой – қумтепалар билан ўралган ярим ой шаклидаги кўлдир.
Ушбу ҳудудга саёҳат қилганлар қумда юрганда ёки қумтепадан ўтаётганда оёқларидан қандайдир товуш эшитилишини айтади.
Туялардан сайёҳларни қум тоғларида жойлашган кўлга элтиш учун фойдаланилади.
Фото: «EmbassyofChinaInUzbekistan»
